پاکستان تحریکِ انصاف (پی ٹی آئی) کے چیئرمین بیرسٹر گوہر علی خان نے کہا ہے کہ پارٹی اپنے رہنماؤں عمر ایوب اور شبلی فراز کی نااہلی کے باعث خالی ہونے والی نشستوں پر انتخابات میں حصہ لے گی۔
ایک بیان میں بیرسٹر گوہر نے بتایا کہ
“عمر ایوب کی نشست پر ان کی اہلیہ الیکشن لڑیں گی، یہ فیصلہ بانی پی ٹی آئی عمران خان کا ہے۔”
انہوں نے مزید کہا کہ عمر ایوب اور شبلی فراز کی نااہلی کے خلاف سپریم کورٹ میں 4 درخواستیں دائر کی گئی ہیں، جنہیں تاحال سماعت کے لیے مقرر نہیں کیا گیا۔
بیرسٹر گوہر کا کہنا تھا کہ
“23 اکتوبر کو شبلی فراز کی نشست پر الیکشن کا شیڈول جاری ہو چکا ہے۔ ہماری درخواست ہے کہ عدالت ناانصافی نہ ہونے دے اور کیس جلد سنے۔”
