بانی پی ٹی آئی عمران خان کو آنکھ کے علاج کیلئے پمز منتقل، انٹرا وٹریل انجیکشن کی دوسری خوراک لگادی گئی

پاکستان تحریکِ انصاف کے بانی اور سابق وزیراعظم Imran Khan کو آنکھ کے علاج کے لیے 23 اور 24 فروری کی درمیانی شب اسلام آباد کے Pakistan Institute of Medical Sciences (پمز) ہسپتال منتقل کیا گیا۔

پمز ہسپتال انتظامیہ کے مطابق عمران احمد خان نیازی (عمر 74 سال) کو 24 فروری 2026 کو آنکھوں کے فالو اپ علاج یعنی دوسری خوراک کے لیے ہسپتال لایا گیا۔

ہسپتال کی جانب سے جاری مختصر بیان میں کہا گیا ہے کہ عمران خان کو انٹرا وٹریل انجیکشن کی دوسری خوراک لگائی گئی، جبکہ یہ طریقہ کار بطور ڈے کیئر سرجری انجام دیا گیا۔

پریس ریلیز کے بعد Pakistan Tehreek-e-Insaf نے عدم اطمینان کا اظہار کرتے ہوئے مؤقف اختیار کیا کہ دو لائنوں پر مشتمل مختصر بیان کسی صورت جامع اور آزادانہ طور پر تصدیق شدہ طبی رپورٹ کا متبادل نہیں ہو سکتا۔

پی ٹی آئی کے بیان کے مطابق عمران خان کی زیرِ حراست حیثیت کے پیشِ نظر ان کے ذاتی معالج اور اہلِ خانہ کو رسائی دی جانی چاہیے۔

جماعت نے مزید کہا کہ طبی علاج کے حوالے سے مسلسل ابہام اور رازداری عوامی بے چینی میں اضافے اور شفافیت پر اعتماد کو متاثر کر رہی ہے۔