سلمان صفدر کی سپریم کورٹ میں اہم رپورٹ،عمران خان کا جیل کی سہولتوں اور سکیورٹی پر اطمینان کا اظہار،بچوں سے ٹیلی فون پر بات کروانے کی خواہش

اسلام آباد | Kay News Urdu

سپریم کورٹ میں پیش کی گئی رپورٹ میں ’فرینڈ آف کورٹ‘ سلمان صفدر نے بتایا کہ انہوں نے اڈیالہ جیل کے اُس سیل کا بھی دورہ کیا جہاں عمران خان کو رکھا گیا ہے۔

سلمان صفدر کے مطابق ملاقات کے دوران عمران خان نے جیل میں ملنے والی سہولتوں اور سکیورٹی انتظامات پر اطمینان کا اظہار کیا۔

---

بچوں سے فون پر بات کرانے کی درخواست

سلمان صفدر نے عدالت کو بتایا کہ
عمران خان نے اپنے بچوں سے ٹیلی فون پر بات کروانے کی خواہش ظاہر کی۔

اس پر اٹارنی جنرل نے سپریم کورٹ کو یقین دہانی کروائی کہ
16 فروری سے پہلے عمران خان کی ان کے بچوں سے بات کروا دی جائے گی۔

---

چیف جسٹس کے ریمارکس

چیف جسٹس یحییٰ آفریدی نے کہا کہ
عمران خان کو جیل میں فراہم کی جانے والی سہولتوں اور سکیورٹی سے متعلق
اڈیالہ جیل کے سپرنٹنڈنٹ کی رپورٹ بھی موصول ہو چکی ہے
اور دونوں رپورٹس میں سہولتوں اور سکیورٹی کے نکات پر مماثلت پائی جاتی ہے۔

---

فیملی ملاقات پر عدالت کا مؤقف

سلمان صفدر نے اپنی رپورٹ میں سفارش کی کہ
عمران خان کی فیملی کے ارکان سے ملاقات بھی کروائی جائے۔

تاہم چیف جسٹس نے واضح کیا کہ
فیملی ملاقات کا معاملہ چونکہ ایک دوسری عدالت کے زیرِ سماعت ہے، اس لیے سپریم کورٹ اس میں مداخلت نہیں کر سکتی۔