چینی آبدوز سے داغے گئے میزائل نے کامیابی سے ہدف کو نشانہ بنا لیا

چین کا بحرالکاہل میں طویل فاصلے تک مار کرنے والے میزائل کا کامیاب تجربہ

چین نے بحرالکاہل میں طویل فاصلے تک مار کرنے والے میزائل کا کامیاب تجربہ کر لیا ہے۔ چینی حکام کے مطابق یہ تجربہ مکمل طور پر منصوبہ بندی کے مطابق انجام پایا۔

رپورٹس کے مطابق میزائل ایک آبدوز سے داغا گیا، جس نے کامیابی کے ساتھ اپنے مقررہ ہدف کو نشانہ بنایا۔ چینی حکام کا کہنا ہے کہ تجربے کے دوران تمام تکنیکی اہداف حاصل کر لیے گئے اور نتائج توقعات کے عین مطابق رہے۔

چینی میڈیا کی رپورٹس بتاتی ہیں کہ میزائل تجربے سے پہلے چین نے آسٹریلیا، نیوزی لینڈ اور جاپان کو باقاعدہ طور پر پیشگی اطلاع دی تھی۔ اس اقدام کا مقصد یہ تھا کہ خطے میں فضائی اور بحری سرگرمیوں سے متعلق ضروری احتیاطی تدابیر بروقت اختیار کی جا سکیں۔

فوجی ماہرین اس تجربے کو چین کی سمندری میزائل صلاحیت میں اضافے کے طور پر دیکھ رہے ہیں، جو خطے میں دفاعی توازن پر اثرانداز ہو سکتا ہے۔