ایران کے خبر رساں اداروں پر سائبر حملوں کی اطلاعات سامنے آئی ہیں۔ ایرانی نیوز ایجنسی تسنیم نیوز ایجنسی کے مطابق متعدد ایرانی نیوز ویب سائٹس کو ہیکنگ یا سائبر حملے کا سامنا ہے۔
رپورٹس کے مطابق ایرانی سرکاری خبر رساں ادارے آئی آر این اے کی ویب سائٹ تاحال قابل رسائی نہیں رہی، جبکہ اس کا ٹیلیگرام اکاؤنٹ بدستور فعال ہے۔
تاحال سائبر حملے کی نوعیت، ذمہ دار عناصر یا تکنیکی تفصیلات کے حوالے سے کوئی باضابطہ بیان جاری نہیں کیا گیا۔
تجزیہ کاروں کے مطابق موجودہ علاقائی کشیدگی کے تناظر میں اطلاعاتی اور ڈیجیٹل محاذ بھی سرگرم ہو چکا ہے، جہاں ویب سائٹس اور سوشل میڈیا پلیٹ فارمز کو نشانہ بنایا جا رہا ہے۔
ڈیجیٹل جنگ کا پہلو
ماہرین کے مطابق جدید تنازعات میں سائبر حملے روایتی عسکری کارروائیوں کے ساتھ ساتھ ایک اہم ہتھیار بن چکے ہیں، جو اطلاعات کی ترسیل کو متاثر کرنے اور بیانیے کو کنٹرول کرنے کے لیے استعمال ہوتے ہیں۔