بجٹ اجلاس میں پیپلز پارٹی کے کچھ اراکین شریک ہوں گے، بلاول بھٹو شرکت نہیں کریں گے: میڈیا سیل
پاکستان پیپلز پارٹی نے بجٹ اجلاس کے بائیکاٹ کے فیصلے کی خبروں کی تردید کر دی ہے۔ پارٹی کے میڈیا سیل نے واضح کیا کہ کچھ اراکین بجٹ اجلاس میں شریک ہوں گے، تاہم چیئرمین بلاول بھٹو زرداری اجلاس میں موجود نہیں ہوں گے۔
میڈیا سیل کے مطابق پیپلز پارٹی قومی مفاد کے تحت بجٹ کے عمل کا حصہ بنے گی۔ پارٹی کے مرکزی سیکرٹری ندیم افضل چن نے بھی بجٹ اجلاس کے بائیکاٹ سے متعلق خبر کو غلط قرار دیا۔
دوسری جانب وزیر خارجہ اسحاق ڈار بلاول بھٹو زرداری کے چیمبر پہنچ گئے، جہاں وزیر قانون اعظم نذیر تارڑ بھی ان کے ہمراہ موجود تھے۔