بہاولنگر: تھانہ منچن آباد پولیس کی کارروائی، دو منشیات فروشوں سمیت چار ملزمان گرفتار
بہاولنگر کے تھانہ منچن آباد پولیس نے جرائم پیشہ عناصر کے خلاف کارروائی کرتے ہوئے دو منشیات فروشوں سمیت چار ملزمان کو گرفتار کر لیا۔ ترجمان پولیس کے مطابق گرفتار ملزمان کے قبضے سے ایک کلو سے زائد چرس، شراب اور ناجائز اسلحہ برآمد ہوا ہے۔
پولیس نے ملزمان کے خلاف مقدمات درج کرکے مزید قانونی کارروائی شروع کر دی ہے۔ تفتیشی ٹیم ملزمان سے پوچھ گچھ کر رہی ہے تاکہ ان کے دیگر ساتھیوں اور نیٹ ورک تک رسائی حاصل کی جا سکے۔
ڈی پی او محمد عمران کا کہنا ہے کہ جرائم پیشہ عناصر کے خاتمے تک کارروائیاں جاری رہیں گی۔ ان کا مزید کہنا تھا کہ عوام کی جان و مال کا تحفظ پولیس کی اولین ترجیح ہے اور ضلع بھر میں منشیات فروشوں کے خلاف مہم تیز کر دی گئی ہے۔