ڈیرہ اسماعیل خان: تحریک لبیک پاکستان (ٹی ایل پی) کے اہم رہنما انس رضوی کو ڈیرہ اسماعیل خان سے گرفتار کر لیا گیا ہے۔ باخبر ذرائع اور مقامی سرکاری عہدیداروں نے گرفتاری کی تصدیق کر دی ہے۔
ذرائع کے مطابق انس رضوی ٹی ایل پی کے مقامی امیر شفیق قاسوری کے پاس روپوش تھے، جنہوں نے انس رضوی اور ان کے بھائیوں کو پناہ دے رکھی تھی۔ قانون نافذ کرنے والے اداروں نے خفیہ اطلاع پر کارروائی کرتے ہوئے انس رضوی کو حراست میں لیا جبکہ کارروائی کے دوران شفیق قاسوری کو بھی گرفتار کر لیا گیا۔
ذرائع کا کہنا ہے کہ گرفتاری کے بعد علاقے میں سیکیورٹی مزید سخت کر دی گئی ہے جبکہ ملزمان کو نامعلوم مقام پر منتقل کر دیا گیا ہے۔
تاحال تحریک لبیک پاکستان کے سربراہ سعد رضوی کی گرفتاری یا ان کی موجودگی سے متعلق کوئی باضابطہ تصدیق سامنے نہیں آ سکی ہے۔
واقعے سے متعلق مزید تفصیلات موصول ہونا باقی ہیں، خبر پر مسلسل پیش رفت جاری ہے۔