اسلام آباد خودکش دھماکہ: امریکا، برطانیہ، سعودی عرب، ترکیہ سمیت عالمی برادری کی شدید مذمت

وفاقی دارالحکومت اسلام آباد میں ہونے والے خودکش دھماکے پر عالمی برادری نے شدید ردعمل دیتے ہوئے پاکستان سے یکجہتی کا اظہار کیا ہے اور دہشت گردی کے خلاف جنگ میں پاکستان کی حمایت جاری رکھنے کے عزم کا اعادہ کیا ہے۔

🇺🇸 امریکا کا اظہارِ تعزیت

امریکی ناظم الامور نیٹلی بیکر نے خودکش دھماکے کی شدید مذمت کرتے ہوئے شہداء اور زخمیوں کے اہل خانہ سے اظہارِ تعزیت کیا۔
ان کا کہنا تھا کہ امریکا امن و سلامتی کے فروغ کے لیے پاکستان کی کوششوں کی حمایت جاری رکھے گا۔

🇬🇧 برطانیہ کا دہشت گردی کے خلاف عزم

برطانوی وزیر خارجہ نے اسلام آباد میں خودکش حملے کو افسوسناک قرار دیتے ہوئے کہا کہ
برطانیہ دہشت گردی کے خلاف جنگ میں پاکستان کے ساتھ کھڑا رہے گا۔

🇸🇦 سعودی عرب کا اظہارِ یکجہتی

سعودی عرب نے بھی خودکش حملے کی سخت مذمت کرتے ہوئے دہشت گردی کے خلاف پاکستان کے ساتھ مکمل یکجہتی کا اظہار کیا۔

🇹🇷 ترکیہ کی مذمت

ترکیہ نے خودکش دھماکے کی مذمت کرتے ہوئے شہداء اور زخمیوں کے اہلِ خانہ سے دلی ہمدردی اور تعزیت کا اظہار کیا۔

🇦🇺 آسٹریلیا کا ردعمل

آسٹریلوی ہائی کمشنر نے کہا کہ خودکش دھماکے پر گہرے صدمے اور افسوس کا اظہار کرتے ہیں۔
ان کا کہنا تھا کہ مشکل گھڑی میں آسٹریلیا پاکستان کے ساتھ ہے۔

🇩🇪 جرمنی اور 🇷🇺 روس کا مؤقف

جرمن سفیر نے قیمتی انسانی جانوں کے ضیاع پر گہرے دکھ اور افسوس کا اظہار کیا۔
جبکہ روسی سفارت خانے نے خودکش حملے کو سفاکیت قرار دیا۔

🇺🇳 اقوام متحدہ کا سخت بیان

اقوام متحدہ کے سیکرٹری جنرل انتونیو گوتریس نے شہریوں پر حملے کو ناقابلِ قبول قرار دیتے ہوئے مطالبہ کیا کہ
ذمہ داروں کو انصاف کے کٹہرے میں لایا جائے۔