تامل فلم انڈسٹری کے سینیئر پروڈیوسر کے راجن چل بسے، آدیار دریا میں چھلانگ لگائی
بھارت کی تامل فلم انڈسٹری کے سینیئر پروڈیوسر کے راجن نے چنئی میں آدیار دریا میں چھلانگ لگا کر اپنی جان دے دی۔ 85 سالہ پروڈیوسر کی لاش ریسکیو آپریشن کے دوران برآمد کر لی گئی۔
بھارتی میڈیا رپورٹس کے مطابق کے راجن آدیار پل سے گزر رہے تھے جب انہوں نے اپنے ڈرائیور کو گاڑی روکنے کی ہدایت کی۔ گاڑی رکتے ہی وہ اچانک باہر نکلے اور دریا میں کود گئے۔ ڈرائیور نے فوری طور پر ریسکیو سروسز کو اطلاع دی اور امدادی ٹیمیں موقع پر پہنچ گئیں، تاہم تلاش کا عمل مکمل ہونے پر صرف ان کی لاش ملی۔
میت کو پوسٹ مارٹم کے لیے بھیج دیا گیا ہے جبکہ پولیس واقعے کی تحقیقات کر رہی ہے۔ ابھی تک یہ واضح نہیں ہو سکا کہ انہوں نے یہ قدم کیوں اٹھایا۔ تامل فلمی حلقوں میں اس خبر کے بعد دکھ اور افسوس کی فضا ہے۔ کے راجن نے اپنی طویل پیشہ ورانہ زندگی میں تامل سنیما کو کئی یادگار فلمیں دیں اور انڈسٹری میں ان کا نام ہمیشہ احترام سے لیا جاتا رہا۔