آزاد کشمیر: رکشہ کھائی میں گرنے کا سانحہ — جاں بحق افراد کی تعداد 7 ہوگئی
آزاد کشمیر کے ضلع حویلی میں رکشہ کھائی میں گرنے کے سانحے میں جاں بحق افراد کی تعداد 7 ہوگئی ہے۔
آزاد کشمیر پولیس کے مطابق یہ حادثہ ضلع حویلی کے علاقے خورشید آباد میں پیش آیا۔ ابتدا میں 2 افراد موقع پر جاں بحق ہوئے تھے جبکہ 5 کو زخمی حالت میں ہسپتال منتقل کیا گیا تھا۔ بعد ازاں زخمیوں میں سے مزید 5 نے دم توڑ دیا، جس کے بعد مجموعی ہلاکتیں 7 تک پہنچ گئیں۔
وزیرِ اعظم آزاد کشمیر فیصل ممتاز راٹھور نے اس سانحے پر گہرے دکھ کا اظہار کرتے ہوئے ضلع حویلی میں ایک روزہ سوگ کا اعلان کیا ہے۔ انہوں نے متعلقہ حکام سے حادثے کی تفصیلی رپورٹ بھی طلب کر لی ہے۔