بلوچستان سے ٹرین آپریشن بحال، جعفر ایکسپریس آج مقررہ وقت پر روانہ ہوگی
محکمہ ریلویز نے تین روز کی معطلی کے بعد بلوچستان سے ٹرین آپریشن بحال کرنے کا فیصلہ کر لیا ہے۔ ریلوے حکام کے مطابق آج سے صوبے میں ٹرین سروس دوبارہ شروع ہو جائے گی۔
حکام نے بتایا کہ جعفر ایکسپریس آج کوئٹہ سے پشاور کے لیے مقررہ وقت پر روانہ ہوگی۔ اسی طرح پشاور سے بھی جعفر ایکسپریس صبح کوئٹہ کے لیے روانہ ہوگی۔
بلوچستان میں ٹرین سروس گزشتہ تین دنوں سے معطل چلی آ رہی تھی جس کے باعث مسافروں کو شدید مشکلات کا سامنا رہا۔ سروس کی بحالی سے کوئٹہ اور پشاور کے درمیان سفر کرنے والے مسافروں کو راحت ملے گی۔