بجٹ میں اراکین پارلیمنٹ کے لاجز کی تعمیر کے لیے ڈیڑھ ارب روپے مختص کرنے کی تجویز
آئندہ مالی سال کے وفاقی بجٹ میں اراکین پارلیمنٹ کے اہل خانہ کے لیے اضافی فیملی سوٹس کی تعمیر کی مد میں ڈیڑھ ارب روپے مختص کرنے کی تجویز دی گئی ہے۔
سرکاری دستاویزات کے مطابق اس منصوبے کے تحت 500 سرونٹ کوارٹرز سمیت نئے فیملی سوٹس تعمیر کیے جائیں گے۔ منصوبے کی کل لاگت 7 ارب 40 کروڑ روپے ہے، جبکہ 30 جون 2026 تک اس پر 2 ارب 29 کروڑ روپے خرچ ہونے کا تخمینہ لگایا گیا ہے۔
تعمیر کے لیے اسلام آباد کا سیکٹر جی فائیو ٹو منتخب کیا گیا ہے۔ موجودہ پارلیمنٹ لاجز کے ساتھ ملحق 104 فیملی سوٹس پہلے سے زیر تعمیر ہیں اور ان کا فنشنگ کا کام جاری ہے۔