فٹبال کی تاریخ میں لیونل میسی نے ایک بار پھر ناپسندیدہ گنیز ورلڈ ریکارڈ اپنے نام کر لیا
اسٹار فٹبالر لیونل میسی نے فٹبال کی تاریخ میں ایک بار پھر ناپسندیدہ گنیز ورلڈ ریکارڈ اپنے نام کر لیا۔ ورلڈ کپ کے راؤنڈ آف 16 میں مصر کے خلاف میچ کے دوران میسی اہم موقع پر پنالٹی پر گول نہ کر سکے۔ مصری گول کیپر مصطفیٰ شوبیر نے ان کی پنالٹی شاندار انداز میں روک لی، جس کے بعد میسی ورلڈ کپ کی تاریخ میں شوٹ آؤٹ کے علاوہ سب سے زیادہ چار پنالٹیز ضائع کرنے والے کھلاڑی بن گئے۔
یہ رواں ورلڈ کپ میں میسی کی دوسری جبکہ مجموعی کیریئر میں چوتھی ضائع شدہ پنالٹی ہے۔ اس سے قبل وہ 2018 کے ورلڈ کپ میں آئس لینڈ اور 2022 میں پولینڈ کے خلاف بھی پنالٹی پر گول کرنے میں ناکام رہے تھے، جبکہ موجودہ ٹورنامنٹ کے گروپ مرحلے میں آسٹریا کے خلاف بھی ان کی پنالٹی بے نتیجہ رہی۔
مصر نے میچ کے پندرہویں منٹ میں یاسر ابراہیم کے شاندار ہیڈر کی بدولت برتری حاصل کر لی تھی، جس کے بعد ارجنٹینا کو برابری کا موقع پنالٹی کی صورت میں ملا مگر میسی وہ گول نہ کر سکے۔ اگرچہ میسی کی پنالٹی ضائع ہوئی، تاہم ارجنٹینا نے شاندار کم بیک کرتے ہوئے میچ تین دو سے جیت لیا اور کوارٹر فائنل کے لیے کوالیفائی کر لیا۔ میسی نے میچ میں گول بھی کیا اور اسسٹ بھی دیا۔