یو اے ای میں 20 جولائی سے پاکستانیوں کے لیے صرف ای پاسپورٹ جاری ہوگا
متحدہ عرب امارات میں 20 جولائی سے پاکستانی شہریوں کے لیے صرف ای پاسپورٹ جاری کیا جائے گا۔ سفارتی مشن کے مطابق ابوظبی اور دبئی میں پاسپورٹ کی درخواستیں اب صرف ای پاسپورٹ کیٹیگری میں قبول کی جائیں گی۔
سفارتی مشن نے واضح کیا کہ موجودہ مشین ریڈایبل پاسپورٹ اپنی مقررہ مدت تک قابلِ استعمال رہیں گے، اس لیے شہریوں کو فوری طور پر پاسپورٹ تبدیل کروانے کی ضرورت نہیں۔ بیرون ملک مقیم پاکستانیوں کے لیے آن لائن پاسپورٹ درخواست کی سہولت بھی جاری رہے گی، جس سے درخواست دہندگان کو سفارت خانے کے چکر لگانے سے بچت ہوگی۔
نئی پالیسی کا مقصد پاسپورٹ کے اجراء کے نظام کو جدید اور محفوظ بنانا بتایا جا رہا ہے۔