پاکستان کی فضائی حدود میں بھارتی طیاروں کے داخلے پر پابندی میں مزید توسیع
پاکستان نے بھارت کے لیے فضائی حدود کی بندش میں مزید ایک ماہ کی توسیع کر دی ہے۔ پاکستان ائیرپورٹ اتھارٹی نے حکومتی ہدایت پر نیا نوٹم جاری کیا، جس کے تحت بھارتی طیاروں کے لیے پابندی 24 اگست تک بڑھا دی گئی ہے۔
نوٹم کے مطابق اس مدت کے دوران بھارتی رجسٹرڈ طیارے پاکستان کی فضائی حدود استعمال نہیں کر سکیں گے۔ یہ پابندی بھارتی ایئرلائنز کے علاوہ ان آپریٹرز کے زیرِ انتظام، ملکیت یا لیز پر لیے گئے طیاروں پر بھی لاگو ہوگی، جن میں فوجی پروازیں بھی شامل ہیں۔ نیا نوٹم 24 اگست 2026 تک مؤثر رہے گا۔
پاکستان نے بھارت کے لیے اپنی فضائی حدود 23 اپریل 2025 سے بند کر رکھی ہے، اور اس کے بعد سے حکومت وقتاً فوقتاً اس پابندی میں توسیع کرتی آ رہی ہے۔