دوسری بار محبت کے ہونے پر یقین نہیں رکھتا: احد رضا میر
پاکستان شوبز انڈسٹری کے نامور اداکار احد رضا میر نے دوسری بار محبت ہونے کے حوالے سے اپنے خیالات کا اظہار کیا ہے۔
حال ہی میں احد رضا میر نے اداکارہ مایا علی کو انٹرویو دیا، جس میں میزبان کی جانب سے زندگی میں کسی شخص کو دوسرا موقع دینے کے حوالے سے گفتگو کی گئی۔ سوال پوچھا گیا کہ ایک سے زیادہ بار محبت ہونے پر ان کا کیا خیال ہے۔
اداکار نے جواب دیا کہ انسان کو بار بار محبت ہونے کے تصور پر یقین نہیں رکھتے، کیونکہ اگر محبت بار بار ہوتی رہے تو پھر وہ محبت نہیں رہتی۔ اداکار کی بات سن کر میزبان نے سوال اٹھایا کہ ایسا بھی تو ممکن ہے کہ پہلا تجربہ محض ایک غلطی ہو اور دوسری بار واقعی محبت ہوجائے۔
اس پر احد رضا میر نے کہا کہ ایسا ہو سکتا ہے، لیکن اس خوف کے باعث انسان کو یہ خدشہ رہتا ہے کہ اگلا رشتہ بھی محبت ثابت نہ ہو۔ انہوں نے مزید کہا کہ لوگوں کو دوسرا موقع دینا چاہیے، خود پر یقین رکھنا چاہیے اور زندگی میں آگے بڑھنا چاہیے۔
اداکار احد رضا میر اور سجل علی کی شادی کووڈ لاک ڈاؤن سے قبل 14 مارچ 2020 کو ابوظبی میں ہوئی تھی۔ 2021 اور 2022 سے یہ خبریں گردش کرنا شروع ہوگئی تھیں کہ دونوں میں طلاق ہو چکی ہے، تاہم کئی سال گزرنے کے باوجود دونوں اداکاروں کی جانب سے اپنے رشتے سے متعلق کوئی تردید یا تصدیق سامنے نہیں آسکی۔
